• Azerbaijanaz-AZ
  • Russian
  • English (UK)

AZƏRBAYCAN RESPUBLİKASININ

NƏQLİYYAT, RABİTƏ VƏ YÜKSƏK TEXNOLOGİYALAR NAZİRLİYİ

DÖVLƏT MÜLKİ AVİASİYA AGENTLİYİ

2012-ci il aprelin 18-də Parisdə Avropa Mülki Aviasiya Konfransı (ECAC) mülki aviasiya Baş Direktorlarının növbəti, yüz otuz səkkizinci müşavirəsi keçirilib.

Sözügedən tədbirdə Azərbaycan Respublikasını Dövlət Mülki Aviasiya Administrasiyasının Direktoru cənab Arif Məmmədov və Lisenziyalaşdırma və reyestrlərin aparılması şöbəsinin müdiri cənab Fariz Əliyev təmsil edib.

Cari ilin 11-18 aprel tarixlərində Beynəlxalq Mülki Aviasiya Təşkilatı (ICAO) tərəfindən Azərbaycan Respublikasının Dövlət Mülki Aviasiya Administrasiyasında və Heydər Əliyev Beynəlxalq Aeroportunda "aviasiya təhlükəsizliyi" sahəsində audit yoxlaması keçirilib.Yoxlama ICAO ilə Azərbaycan Respublikası arasında imzalanmış Anlaşma Memorandumu əsasında Aviasiya təhlükəsizliyinin universal yoxlamaları çərçivəsində aparılıb.

Beynəlxalq Mülki Aviasiya Təşkilatı (ICAO) Azərbaycan Respublikasında aviasiya təhlükəsizliyinin təmin olunması sahəsində keçirilmiş yoxlamanın nəticələrinə dair son hesabatı Dövlət Mülki Aviasiya Administrasiyasına təqdim edib. Xəbər verildiyi kimi, audit ICAO qrupu tərəfindən 2012-ci ilin 11-18 aprel tarixlərində Bakı şəhərində keçirilib.

16 aprel 2012-ci il tarixdə Bakı şəhərində keçirilmiş Azərbaycan Respublikası və Hindistan Respublikası arasında ticarət, iqtisadi, elmi və texnoloji əməkdaşlıq üzrə Hökumətlərarası Komissiyanın 2-ci iclasının gedişində "Azərbaycan Respublikası Hökuməti ilə Hindistan Respublikası Hökuməti arasında Hava əlaqəsi haqqında Saziş" imzalanıb.

İqtisadi əməkdaşlıq üzrə Azərbaycan-ABŞ birgə hökumətlərarası komissiyasının üçüncü iclası çərçivəsində Dövlət Mülki Aviasiya Administrasiyası (DMAA) ilə ABŞ-ın Ticarət və İnkişaf Agentliyi arasında qrant sazişi imzalanıb.

Azərbaycan Respublikasının Avropa Mülki Aviasiya Konfransına (ECAC) üzvlüyünün 10 illiyi münasibəti ilə ECAC Prezidenti cənab Katalin Radu (Catalin Radu) və sözügedən təşkilatın İcraçı katibi cənab Salvatore Şikitano (Salvatore Sciacchitano) Dövlət Mülki Aviasiya Administrasiyasının dəvəti ilə 2012-ci ilin 13-16 mart tarixlərində Bakıda rəsmi səfərdə olublar.

Azərbaycan Respublikasının "Aviasiya haqqında" Qanununa uyğun olaraq Dövlət Mülki Aviasiya Administrasiyasının Əmri ilə daxili hava xətlərində daşınan baqaja vurulan zərərə görə məsuliyyət hədləri təsdiq edilib.

2011-ci il ərzində Dövlət Mülki Aviasiya Administrasiyasının 28 nəfər əməkdaşı beynəlxalq mülki aviasiya təşkilatları tərəfindən təşkil edilmiş, ixtisasın artırılması (və təsdiq edilməsi) kurslarında iştirak edib.

"Qatar Airveys" şirkəti tərəfindən Doha-Bakı marşrutu üzrə müntəzəm reyslərin planlaşdırılması ilə əlaqədar və Qətər tərəfinin təklifi ilə 2011-ci ilin 21 dekabr tarixində Bakıda Azərbaycan Respublikası və Qətər Dövlətinin mülki aviasiya nümayəndə heyətləri arasında görüş keçirilib.

    2011-ci ilin 14-15 dekabr tarixlərində Dövlət Mülki Aviasiya Administrasiyasının (DMAA) direktoru cənab Arif Məmmədov Avropa Mülki Aviasiya Konfransının (ЕСАС) Fransanın paytaxtı Parisdə keçirilmiş 137-ci müşavirəsində iştirak edib. Sammitdə bütün nəqliyyat növlərinin qarşılıqlı fəaliyyət göstərməsi məsələləri və yaxın gələcəklə bağlı planlar müzakirə edilib. Avropa Komissiyası 2012-ci ilin əvvəllərində ölkəmizlə "Birgə səma" Sazişi ilə bağlı danışıqlara başlamaq təklifi ilə çıxış edib.

10 -dən səhifə 14

Partner Websites